Երեկ թերթը տեղեկացել է, որ Չինարի գյուղի զորամասում լեյտենանտ Արտակ Նազարյանի` իբր ինքնասպանության գործով կալանավորված չորս անձանացից մեկը` նույն զորամասի պարտադիր ժամկետային զինծառայող Հարութիկ Կիրակոսի Կիրակոսյանն օրեր առաջ ազատ է արձակվել:

Հետաքրքիրն այն է, որ, ինչպես հայտնում է Արտակ Նազարյանի քույրը` լրագրող Ծովինար Նազարյանը, այս մասին տուժող կողմի ներկայացուցիչներն իմացել են շատ պատահաբար` Կիրակոսյանի ազատ արձակումից մոտ 10 օր հետո: Պարզվում է` Կիրակոսյանի նկատմամբ համաներում է կիրառվել, քանի որ նրա հոդվածը մեղմացրած են եղել` 358 հոդվածի 2-րդ մասը փոխարինելով նույն հոդվածի 1-ին մասով: