Այսօրվա իր նիստում ՀՀ արդարադատության խորհուրդը քննարկել է վերաքննիչ քաղաքացիական դատարանի դատավորներ Աստղիկ Խառատյանին, Կարեն Չիլինգարյանին և Ամրահի Պետրոսյանին կարգապահական պատասխանատվության ենթարկելու վերաբերյալ արդարադատության նախարարի միջնորդությունը:

Արդարադատության խորհուրդը, ղեկավարվելով Սահմանադրության 95-րդ հոդվածի 5-րդ կետով, Դատական օրենսգրքի 157-րդ հոդվածի 1-ին մասի 2-րդ կետով, որոշել է բավարարել միջնորդությունը և վերոնշյալ 3 դատավորին հայտարարել նկատողություն՝ զուգորդված 6 ամիս ժամկետով աշխատավարձի 25 տոկոսից զրկելով: Այս մասին հայտնում է արդարադատության նախարարության կայքը: