Այսօր՝ ժամը 15:11-ին, «ՍՊԾ» պատասխանատու հերթապահը հաղորդել է, որ տեղական ժամանակով ժամը 14:44-ին Իրան-Պակիստան սահմանային գոտում՝ Խաշ քաղաքից 90 կմ դեպի արևելք, տեղի է ունեցել 7.5 մագնիտուդով երկրաշարժ, որի ուժգնությունը էպիկենտրոնային գոտում կազմել է 9-10 բալ, հիպոկենտրոնը գտնվում է 20 կմ խորության վրա:

Էպիկենտրոնի աշխարհագրական կոորդինատներն են հյուսիսային լայնության 28.25⁰ և արևելյան երկայնության 62.20⁰:

«Երկրաշարժը ՀՀ տարածքում չի զգացվել: Զոհերի և ավերածությունների մասին տեղեկատվությունը ճշտվում է»,- հաղորդում է արտակարգ իրավիճակների նախարարության մամուլի ծառայությունը: