Ապրիլի 19-ին տեղեկություն է ստացվել, որ Շիրակի մարզի Աշոցք գյուղի 1-ին փողոցի թիվ 3 շենքի 1-ին հարկի պատը փլվել է: Դեպքի վայր են մեկնել մարզային փրկարարական վարչության օպերատիվ խումբը և մեկ մարտական հաշվարկ:

Տեղում պարզվել է, որ փլուզվել է 4-րդ աստիճանի վթարայնություն ունեցող չորսհարկանի շենքի 1-ին մուտքի աստիճանավանդակին հարող պատը՝ մոտ 5 քմ:

Հրշեջ-փրկարարները շենքից տարահանել են 9 բնակչի (4 ընտանիք): Դեպքի մասին տեղյակ է պահվել Շիրակի մարզպետը: Այս մասին հայտնում է արտակարգ իրավիճակների նախարարությունը: