![](/static/articles/02/59/93/l-G29FD6s6J8.jpg)
Ամուսնական տարիքը՝ 16-18 տարեկան. կառավարությունն ընդառաջում է եզդիներին
Ազգային ժողովում երկրորդ ընթերցմամբ ներկայացվեց «Ընտանեկան օրենսգրքում» փոփոխություն կատարելու մասին կառավարության ներկայացրած նախագիծը: Այն խորհրդարանում ներկայացրեց արդարադատության փոխնախարար Հրայր Թովմասյանը:
Հարցը վերաբերում է արական և իգական սեռի ներկայացուցիչների ամուսնական տարիքին: Նախագծով սահմանվել է, որ ամուuնության կնքման համար անհրաժեշտ են ամուuնացող տղամարդու և կնոջ փոխադարձ կամավոր համաձայնությունը և նրանց ամուuնական 18 տարեկան տարիքի հասնելը՝ բացառությամբ օրենքով նախատեսված դեպքերի:
Կառավարությունը նշել է նաև այդ բացառությունները: Հրայր Թովմասյանը նշեց, որ անձը կարող է ամուսնանալ նաև 17 տարեկանում, եթե առկա է նրա ծնողների, որդեգրողների կամ հոգաբարձուի համաձայնությունը: Անձը կարող է ամուսնանալ նաև 16 տարեկանում, եթե առկա է նրա ծնողների, որդեգրողների կամ հոգաբարձուի համաձայնությունը և ամուսնացող մյուս անձն առնվազն 18 տարեկան է:
Նշենք, որ այս նախագիծը բուռն քննարկումների առարկա դարձավ Հայաստանի ազգային փոքրամասնություն եզդիական համայնքում: Եզդիները նշում էին, որ ըստ իրենց ազգային ավանդույթների՝ եզդի աղջիկներն ավելի վաղ են ամուսնանում, և օրենքի փոփոխության արդյունքում իրենց աղջիկները կարող են «տանը մնալ»:
Կառավարությունը ներկայացված օրինագծով հաշվի է առել հենց նրանց ազգային ավանդույթները՝ անելով բացառություններ:
Մեկնաբանել