Այսօր Մոսկվայում ընթացող Չայկովսկու անվան միջազգային երաժշտական մրցույթի «Թավջութակ» անվանակարգում հաղթել է հանրապետության նախագահի 2006 երիտասարդական մրցանակի դափնեկիր Նարեկ Հախնազարյանը, ով մրցույթում ներկայացնում էր Հայաստանը:

Իսկ մի խումբ երիտասարդներ, ովքեր անցել էին հանրապետության նախագահի 2010 երիտասարդական մրցանակի մրցույթի եզրափակիչ փուլ, այսօր դիպլոմներ են ստացել «Հայաստան» համահայկական հիմնադրամի գործադիր վարչության գրասենյակում:

Դիպլոմները հանձնվել են Վարդանյան լարային քառյակին եւ «Կերպարվեստ եւ կինո» բնագավառի 26 երիտասարդ ստեղծագործողի:

10 տարուց ավել է, ինչ «Պողոսյան» հիմնադրամի (Ֆրանսիա) շնորհիվ Հայաստանի շնորհաշատ երիտասարդները ոչ միայն պարգեւատրվում են Հանրապետության նախագահի բարձր պարգեւով, այլեւ խրախուսվում են իրենց հետաքրքիր աշխատանքների համար: Այս մասին հայտնում են Հիմնադրամի մամուլի ծառայությունից: