Այսօր ՀՀ կենտրոնական ընտրական հանձնաժողովի նախագահ Տիգրան Մուկուչյանի մոտ տեղի է ունեցել հանդիպում մայիսի 5-ի Երևանի ավագանու ընտրություններում գրանցված կուսակցությունների, կուսակցությունների դաշինքի լիազոր ներկայացուցիչների և ԿԸՀ անդամների հետ:

Հանդիպման ընթացքում ցուցադրվել և փորձարկվել է Երևանի ավագանու ընտրությունների ժամանակ անձը հաստատող փաստաթղթի դրոշմակնքման համար տեղամասային ընտրական հանձնաժողովներին հատկացվելիք թանաքանյութը: Կուսակցությունների և կուսակցությունների դաշինքի լիազոր ներկայացուցիչները թանաքանյութի վերաբերյալ դիտողություններ կամ առարկություններ չեն ներկայացրել:

ԿԸՀ-ն տեղեկացնում է, որ նշված թանաքանյութը փորձարկվել է նաև տեղամասային ընտրական հանձնաժողովների անդամների համար կազմակերպված ընտրությունների անցկացման մասնագիտական դասընթացների ժամանակ, և թանաքանյութի որակական հատկանիշների վերաբերյալ որևէ բացասական արձագանք կամ առարկություն չի արձանագրվել: