5/20 ընտրատեղամասում ՀՀԿ-ականները ճնշում են այլ կուսակցությունների վստահված անձանց եւ դիտորդներին՝ տարբեր միջոցներով: Մոտ 20 հանրապետական երիտասարդներ են հավաքվել տեղամասի դիմաց եւ ինչ ուզում, անում են, իսկ բողոքողների հետ փողոցային լեզվով են խոսում: Այս մասին «Հետք»-ին հայտնեց ՀՅԴ ավագանու ցուցակից Իվան Արդալջյանը. «Մենք դիմել ենք ոստիկանությանը եւ սպասում ենք նրանց պատասխանին: Ամեն կերպ ճնշում են բոլոր կուսակցությունների ներկայացուցիչներին»,- ավելացնում է նա: