Տեսանյութեր
Լուսանկարներ
«Կարուսելային» քվեարկությու՞ն
Քիչ առաջ Դավիթաշենի 5/1 ընտրատեղամասում` քվեաթերթիկները հաշվելիս, սահմանված նմուշի ծրարից սահմանված ձեւանմուշի քվեաթերթիկի փոխարեն դուրս բերվեց մաքուր թուղթ: Հանձնաժողովի քարտուղար Ամալյա Բաղդասարյանը կազմեց արձանագրություն, որում, մասնավորապես ասվում է. «Քվեաթերթիկից դուրս է բերվել սահմանված նմուշի ծրար, որի մեջ ընտրաթերթիկի փոխարեն հայտնաբերվել է մաքուր սպիտակ թուղթ` քվեաթերթիկի չափսերով»:
«Հայտնաբերված մեկ սպիտակ թուղթն արդեն իսկ «կարուսելի» արդյունք է: Դա նշանակում է, որ հնարավոր է՝ մարդկանց մի ամբողջ բազմություն հենց «կարուսելով» է քվեարկել»,- ասում է հանձնաժողովի անդամ, «Բարև Երևան» դաշինքի ներկայացուցիչ Կարինե Ղազարյանը:
«Ես չեմ պատկերացնում, թե էլ ինչ կարելի է անել, բացի արձանագրություն կազմելը»,- հավելում է հանձնաժողովի քարտուղար Ամալյա Բաղդասարյանը:
Ֆենյա Խաչատրյան
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել