Բնապահապանության նախարարությունը ընդերքօգտագործման բնագավառում նախատեսվող մի շարք գործունեությունների վերաբերյալ շրջակա միջավայրի վրա ազդեցության փորձաքննական բացասական եզրակացություն է տվել.

1. «Մեգո Գոլդ» ՍՊԸ-ի կողմից փորձաքննության ներկայացված, Արագածոտնի մարզի Թուխմանուկի ոսկու հարստացուցիչ ֆաբրիկայի նոր պոչամբարի աշխատանքային նախագծին:
2. «Գեգամետ Պլյուս» ՓԲԸ-ի կողմից փորձաքննության ներկայացված, Գեղարքունիքի մարզի Շորժայի մագնեզիումասիլիկատային ապարների և քրոմիտների հանքավայրի շահագործման նախագծին:
3. «Վարդենիսի քարհանք վարչություն» ԲԲԸ-ի կողմից փորձաքննության ներկայացված, Ողջաբերդի անդեզիտաբազալտների հանքավայրի «Լեսնոյե» տեղամասի շահագործման նախագծին:

Բնապահպանության նախարարությունը, բացի վերոնշյալից, «Մեղրաձոր Գոլդ» ՍՊԸ-ին է վերադարձրել փորձաքննության ներկայացված, Մեղրաձոր համայնքում նախատեսվող ոսկու կորզման արտադրամասի նախագծային փաստաթղթերը: Այս մասին հայտնում է նախարարության հասարակայնության հետ կապերի և տեղեկատվության բաժինը: