Տեսանյութեր
Լուսանկարներ
Այսօր ասթմայի համաշխարհային օրն է
Յուրաքանչյուր տարի՝ մայիսի առաջին երեքշաբթի օրը, նշվում է ասթմայի համաշխարհային օրը: Այն հռչակվել է Առողջապահության համաշխարհային կազմակերպության կողմից և անցկացվում է «Ասթմայի դեմ գլոբալ նախաձեռնության» հովանու ներքո:
Այս տարվա նշանաբանն է «Դու կարող ես կառավարել քո ասթման», որը նպատակ ունի ընդգծելու այն փաստը, որ ներկայում ասթմայով հիվանդների մեծ մասը կարող է ապրել լիարժեք, ակտիվ կյանքով համապատասխան բուժման պարագայում:
Ասթմայի կառավարում նշանակում է.
- ասթմայի ախտանշանների բացակայություն կամ նվազագույն լինելը,
- գիշերը հիվանդի չարթնանալը ասթմայի պատճառով,
- շտապ, «փրկիչ» դեղերի օգտագործման անհրաժեշտության բացակայություն կամ նվազագույն քանակով օգտագործելը,
- կարողանալ ապրել լիարժեք ֆիզիկական ակտիվ կյանքով, չխուսափել ֆիզիկական ծանրաբեռնվածությունից,
- թոքերի ֆունկցիաների հետազոտությունների նորմալ կամ գրեթե նորմալ արդյունքներ,
- շնչարգելության բացակայություն կամ հազվադեպ դեպքեր:
Ասթմայի համաշխարհային օրն աշխարհում առաջին անգամ 1998 թ. Իսպանիայում նշել է 35 երկիր ասթմայի խնդիրներին նվիրված առաջին համաշխարհային հանդիպման շրջանակում: Յուրաքանչյուր տարի միջոցառմանը մասնակցող երկրների թիվն աճում է: Այս մասին հայտնում է ՀՀ առողջապահության նախարարությունը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել