![](/static/articles/02/62/98/l-ziXPYk3ZdH.jpg)
Ո՞վ է Արմեն Մարտիրոսյանի նշած «ազնվագույն մարդը»
«Ժառանգություն» կուսակցության անդամ Արմեն Մարտիրոսյանը «Հետքի» հետ զրույցում ասաց, որ տեղյակ է համացանցում տարածված տեսանյութին, որում խոսում է իրենց առաջարկած 100 հազարավոր դոլարի մասին:
«Տեսանյութում ասում եմ' «մեզ 100 հազար դոլար են առաջարկել, մենք չենք ընդունել Ձեր համար»: Կոնկրետ անձի նկատի չունեմ, մեկ անգամ չէ, որ առաջարկել են: Իմ քաղաքական գործունեության ընթացքում են գումարներ առաջարկել, և բնականաբար, աղբյուրների մասին չեմ հայտնի, որովհետև դա իմ քաղաքական գործունեության հետ է կապված»,- ասաց Արմեն Մարտիրոսյանը:
Նրանից հետաքրքրվեցինք, թե ո՞վ է նկարահանել ոստիկանության մեքենայում տեղի ունեցած խոսակցությունը, և ինչու տեսանյութը հիմա հայտնվեց համացանցում:
«Բնականաբար, գիտեմ, թե ով է նկարահանել: Շատ ազնվագույն մարդ է նկարահանել: Իսկ թե ինչու հիմա տարածվեց տեսանյութը, երևի նրա համար, որ քաղաքական շահարկումներ չլինեն»,- նշեց Արմեն Մարտիրոսյանը:
Նա ասաց, որ սրանում ոստիկանությունը «մեղք չունի»:
Լուսանկարը՝ news.am-ի
Մեկնաբանել