ՀՀ փոխվարչապետ, տարածքային կառավարման նախարար, Հայաստանում մարդկանց շահագործման (թրաֆիքինգի) հարցերով խորհրդի նախագահ Արմեն Գեւորգյանն այսօր աշխատանքային այցով մեկնեց Նյու Յորք:

Ա. Գեւորգյանը կմասնակցի ՄԱԿ-ի Գլխավոր ասամբլեայի բարձր մակարդակի հանդիպման նիստին, որի նպատակն է գնահատել 2010թ-ին ընդունված մարդկանց շահագործման (թրաֆիքինգի) դեմ պայքարի ՄԱԿ-ի Գլոբալ գործողությունների ծրագրի իրականացման առաջընթացը:

Նիստի ընթացում նախատեսվում է նաեւ ՀՀ փոխվարչապետի ելույթը: Այցի ընթացքում Ա. Գեւորգյանը հանդիպումներ կունենա ՄԱԿ-ի մասնագիտական գործակալությունների ղեկավարների, ինչպես նաեւ հայ համայնքի ներկայացուցիչների հետ, կմասնակցի համայնքային միջոցառումների: Այս մասին հայտնում է ՏԿՆ հասարակայնության հետ կապերի բաժինը: