«Գառնիի առողջության կենտրոն» ՊՓԲ-ի տնօրեն Լիլիթ Կարապետյանն օրերս զանգվածային կրճատումներ է կատարել բուժկենտրոնում` աշխատանքից ազատվել են 14 բուժաշխատողներ: Արդյունքում փակվել է գինեկոլոգիական կոնսուլտացիան, ատամնաբուժարանը, ընտանեկան 6 բուժքույրերից կրճատվել են 2-ը (տնօրենն ընտանեկան բուժքույրերին առաջարկել է վիճակահանությամբ որոշել, թե իրենցից ովքեր պետք է կրճատվեն):

Բուժանձնակազմին Լիլիթ Կարապետյանը հայտնել է, որ Կոտայքի մարզպետարանը առողջության կենտրոնի համար բավարար ֆինանսավորում չունի եւ առաջիկայում նոր կրճատումներ կլինեն: Խոսվում է այն մասին, որ առաջիկա ամիսներին կփակվի նաեւ ծննադատունը: Նշենք, որ «Գառնիի առողջության կենտրոն» ՊՓԲ-ն մոտ 7500 բնակչություն ունեցող Գառնի գյուղից բացի սպասարկում է եւս 4 գյուղերի: