Մայիսի 17-ին ահազանգ է ստացվել, որ Գյումրիի Ղարսի խճուղում հայտնաբերվել է նռնականման առարկա: Դեպքի վայր է մեկնել Շիրակի մարզային ՃԿԿ օպերատիվ խումբը։

Հրշեջ-փրկարարները «Սևերսկի» կոչվող թաղամասի թիվ 10 շենքի մոտակայքում հայտնաբերել են 7 հակատանկային ական: Դեպքի վայրում են գտնվել Շիրակի կայազորի ՌՈ սակրավորները և Գյումրու ոստիկանության բաժնի աշխատակիցներ:

Տեղում պարզվել է, որ գտածոն ուսումնական («У-ТМ-62П3» տեսակի) հակատանկային ականներ են, որոնք տեղափոխվել են ոստիկանության բաժին: Այս մասին հայտնում է արտակարգ իրավիճակների նախարարությունը: