![](/static/articles/02/66/06/l-q4wH04EJcT.jpg)
Ավտոմեքենան շրջվել է Երևան-Երասխ ավտոճանապարհին. 1 զոհ, 1 վիրավոր
Մայիսի 17-ին ահազանգ է ստացվել, որ Երևան-Արտաշատ ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում Երևան-Երասխ ավտոճանապարհի 10-րդ կմ-ում «Հոնդայի» մակնիշի ավտոմեքենան դուրս է եկել ճանապարհի երթևեկելի հատվածից (մոտ 20 մետր) և շրջվել։
Պատահարի հետևանքով վարորդ, 1971 թ. ծնված Կարեն Գուլաբյանը տեղում մահացել է, իսկ ուղևոր, 1980 թ. ծնված Արթուր Վարդանյանը տարբեր մարմնական վնասվածքներով տեղափոխվել է Մասիսի բժշկական կենտրոն: Բժիշկները տուժածի առողջական վիճակը գնահատել են բավարար:
«Հրշեջ-փրկարարները դադարեցրել են վառելիքի արտահոսքը և կատարել հովացման աշխատանքներ»,- հայտնում է արտակարգ իրավիճակների նախարարությունը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել