![](/static/articles/02/68/60/l-ZqLkNZoNpU.jpg)
Երևանում փլուզվել է 165 տարի առաջ կառուցված տան տանիքը
Մայիսի 27-ին ահազանգ է ստացվել, որ Երևանի Սրբ. Հովհաննես փողոցի թիվ 23 տան տանիքը փլուզվել է (50քմ) և վնասվել է հարևանի տան պատը: Դեպքի վայր է մեկնել ՃԿԿ ԱԻ արձագանքման խումբը:
Տեղում պարզվել է, որ փլուզվել է 1848թ.-ին կառուցված թիվ 23 տան տանիքը՝ մոտ 16քմ մակերեսով: Դրա հետևանքով վնասվել է 23-րդ և 25-րդ տների միջնապատը:
«Դեպքի մասին տեղյակ են պահվել Երևանի քաղաքապետարանի կոմունալ տնտեսության վարչության պետը, շինարարության և բարեկարգման վարչության պետի տեղակալը և կենտրոն վարչական շրջանի ղեկավարի տեղակալը»,- հայտնում է արտակարգ իրավիճակների նախարարությունը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել