![](/static/articles/27/15/l-u9mX5azuNw.jpg)
«Չորրորդ ինքնիշխանություն». Պետք է վարչապետին գործուղել Մադագասկար
Աշխարհահռչակ «Ֆորբս» ամսագրի տվյալների համաձայն, առավել անհաջող տնտեսություն ունեցող երկրների շարքում Հայաստանն աշխարհում զբաղեցնում է երկրորդ տեղը` զիջելով միայն Մադագասկարին:
«ՉԻ» - Մեր ջերմ ողջույնները Տիգրան Սարգսյանին: Նա, փաստորեն, հաջողեցրել է միաժամանակ և միլիարդավոր դոլարների վարկեր «կպցնել», և այնպես անել, որ տնտեսության վիճակն ավելի ծանր լինի, քան, ասենք, Զիմբաբվեում, Մոզամբիկում, մի խոսքով` ամբողջ աշխարհում:
Փաստորեն, աշխարհում Հայաստանից վատ միայն մի երկիր կա` Մադագասկարը: Նման տվյալների հրապարակումից հետո, ի դեպ, ցանկացած նորմալ երկրի վարչապետ անմիջապես հրաժարական կտար, եղած-չեղածը կհավաքեր ու կմեկներ, ասենք, Գվինեա-Բիսաու` տեղի ջունգլիներում որևէ ցեղապետի մոտ փորձի փոխանակման: Դա համենայն դեմս մի դրական արդյունք կունենար` շատ արա Հայաստանը կհայտնվեր երրորդ տեղում (Մադագասկարից և Գվինեա-Բիսաուից հետո):
Իսկ Տիգրան Սարգսյանը դրա փոխաեն շարունակում է անմեղսունակ կեցվածքով ճառեր արտասանել տնտեսական ճգնաժամի հաղթահարման մասին: Ստացվում է, որ մենք իսկապես պապուասներից շատ չենք տարբերվում: Այլապես չէինք հանդուրժի այս խեղկատակությունը:
Մեկնաբանել