Հուլիսի 6-ին` ժամը 14.22-ին, ահազանգ է ստացվել, որ Երևան-Ձորաղբյուր ավտոճանապարհին գտնող «Ջրվեժ» անտառ-պարկի արհեստական լճում խեղդվել է քաղաքացի:

Ինչպես տեղեկացնում է ԱԻՆ լրատվական կենտրոնը, դեպքի վայր են մեկնել Ճգնաժամային կառավարման կենտրոնի օպերատիվ խումբը (պարամեդիկներով) և Փրկարար ուժերի վարչության հատուկ փրկարար ջոկատի հերթապահ խումբը:

Ժամը 15.36-ին փրկարարների ուժերով լճից դուրս է բերվել Երևան քաղաքի բնակիչ 1988թ. ծնված Մարատ Հակոբյանի դին և հանձնվել ոստիկանության աշխատակիցներին: