Հայաստանում շրջանառվող դեղերի մինչև 10 տոկոսն է տեղական արտադրության։ Այս մասին ասել է առողջապահության նախարար Դերենիկ Դումանյանը հունիսի 14-ին Երևանում մեկնարկած Դեղագործության մրցունակության 5-րդ միջազգային համաժողովի մասնակիցներին:

«Մենք ձեզ հետ միասին լուրջ անելիքներ ունենք ինչպես դեղարտադրության ընդլայնման, այնպես էլ պատշաճ արտադրական գործունեության պահանջների ապահովման գործում»,- ասել է Դերենիկ Դումանյանը։

Դեղագործության մրցունակության 5-րդ միջազգային համաժողովը կազմակերպել է Հայաստանի դեղ արտադրողների և ներմուծողների միությունը ԱՄՆ Միջազգային զարգացման գործակալության Ձեռնարկությունների զարգացման և շուկայի մրցունակության («Ի-Դի-Էմ-Սի») ծրագրի և ՀՀ Արդյունաբերության զարգացման հիմնադրամի աջակցությամբ։