Մայիսի 9-ից 15-ն ընկած ժամանակահատվածում ղարաբաղաադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 300 անգամ, որի ընթացքում տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է ավելի քան 1500 կրակոց:

Պաշտպանության բանակի առաջապահ զորամասերը համարժեք պատասխան են տվել թշնամու սադրիչ գործողություններին և անհրաժեշտ քայլեր ձեռնարկել շփման գծի ողջ երկարությամբ մարտական դիրքերը հուսալիորեն պաշտպանելու համար: Այս մասին հայտնում է ՊՆ մամուլի ծառայությունը: