![](/static/articles/27/53/l-PzyMxATus4.jpg)
«Հայկական ժամանակ». նախընտրական ծեծկռտուք
Իշխանական կուլիսներում մեծ թափով տեղի է ունենում խորհրդարանական ընտրությունների նախապատրաստություն: Երեկ «ՀԺ»-ին հայտնի դարձավ, որ Մենուա Հարությունյանը, որմ, թերեւս, կհեռանա «Արմնյուզ» հեռուստաընկերության տնօրենի պաշտոնից, ցանկանում է մեծամասնական ընտրակարգով պատգամավորի թեկնածու առաջադրվել Էրեբունի համայնքում: Եվ այդ «հողի վրա» նախօրեին, ըստ «ՀԺ» հավաստի տեղեկությունների, նրա եւ Էդուարդ Մադաթյանի (Խուճուճ էդո) որդիների միջեւ կոնֆլիկտ է առաջացել: Խոսակցություններ կան, որ բանն անգամ ծեծկռտուքի է հասել»:
Երեկ «ՀԺ»-ի հետ զրույցում Մենուա Հարությունյանն ասաց. «Ես էլ եմ այս առավոտ լսել, որ խնդիրներ եմ ունեցել, բայց ոչ մի բան էլ չի եղել»: Ըստ նրա՝ պարզապես ինքն Էրեբունի համայնքում իր նկարներն է կախել իրեն պատկանող գովազդային վահանակների վրա, ինչից աղմուկ է առաջացել, որ նա իր թեկնածությունն առաջադրելու է խորհրդարանական ընտրություններում. «Ինչպես հասկանում եմ, էլի մարդիկ կան, որ ցանկանում են թեկնածություն դնել, եւ նման աժիոտաժ է առաջացել»:
Ըստ շրջանառվող լուրերի՝ սույն համայնքում իրենց թեկնածությունն են ցանկանում առաջադրել նորաթուխ ՕԵԿ-ական էդուարդ Մադաթյանը կամ նրա ՀՀԿ-ական որդին՝ էրեբունու նախկին թաղապետ Մհեր Սեդրակյանի փեսան, նաեւ՝ Հրանտ Վարդանյանի որդին՝ ԱԺ Դաշնակցություն խմբակցության պատգամավոր Կարեն Վարդանյանը եւ ԱԺ ՀՀԿ խմբակցության պատգամավոր Գրիգորի Մարգարյանը:
2007թ. մեծամասնական ընտրակարգով Էրեբունի համայնքից (թիվ 12 ընտրատարածք) մեծամասնական ընտրակարգով պատգամավոր դարձած ԲՀԿ-ական Վերսանդիկ Հակոբյանը, ըստ «ՀԺ» տեղեկությունների, չի պատրաստվում կրկին առաջադրվել: Նույն աղբյուրները փոխանցում են, որ ՀՀԿ-ն որոշել է այդ ընտրատարածքը ԲՀԿ-ից վերցնել:
Երեկ «ՀԺ»-ի հետ զրույցում Մենուա Հարությունյանը հաստատեց, որ ինքը կարող է սույն ընտրատարածքում թեկնածու առաջադրվել. «Ես մեծամասնականով որ առաջադրվեմ, կամ էրեբունիում եմ առաջադրվելու, որտեղ ապրում եմ, կամ Մեղրիում, որտեղ ծնվել եմ»,- ասաց Մենուա Հարությունյանը:
Մեկնաբանություններ (2)
Մեկնաբանել