Հունիսի 26-ին` ժամը 08.53-ին, ահազանգ է ստացվել, որ Սոթք-Քարվաճառ ավտոճանա­պար­հին մոտ 20 ավտոմեքենա արգելափակվել են ցեխակույտի մեջ, անհրաժեշտ է օգնություն:

Դեպքի վայր է մեկնել թիվ մեկ մարտական հաշվարկ և մարզային փրկարարական ջոկատը:

Տեղում պարզվել է, որ Սոթք-Քարվաճառ ավտոճանապարհի 15-րդ կմ-ում «ԿամԱԶ» մակնիշի ավտոմե­քենան արգելափակվել է ցեխակույտի մեջ, ինչի հետևանքով արգելափակվել է ևս 20 ավտոմեքենա:

Մինչ հրշեջ-փրկարարների ժամանումը «ԿամԱԶ» մակնիշի ավտոմեքենան և ևս 10-ը տեղի ուժերով դուրս է բերվել արգելափակումից:

Ինչպես հայտնում է ՀՀ ԱԻՆ-ն, հրշեջ-փրկարարները ճանապարհի երթևեկելի հատված  են դուրս բերել մնացած 10 ավտոմեքենան: