Հուլիսի 1-ին ահազանգ է ստացվել, որ Երևան-Սևան ավտոճանապարհին՝ Չարենցավանի մոտ, տեղի է ունեցել ՃՏՊ, կան տուժածներ: Դեպքի վայր է մեկնել մեկ մարտական հաշվարկ:

Դեռևս չբացահայտված հանգամանքներում Երևան-Սևան ավտոճանապարհի 30-րդ կմ-ում «ՎԱԶ-2121» մակնիշի ավտոմեքենան բախվել է ճամփեզրին կայանված «ՅԱ-303» մակնիշի կոմբայնին:

Պատահարի հետևանքով «ՎԱԶ-2121» մակնիշի ավտոմեքենայի վարորդ, 1989 թ. ծնված Գ. Ավետիսյանը և ուղևոր, 1957 թ. ծնված Ա. Ավետիսյանը ստացել են տարբեր մարմնական վնասվածքներ:

Մինչ հրշեջ-փրկարարների ժամանելը տուժածները տեղի ուժերով դուրս են բերվել ավտոմեքենայից և տեղափոխվել Չարենցավանի բժշկական կենտրոն, որտեղ Գ. Ավետիսյանը ստացել է առաջին բուժօգնու­թյուն և դուրս գրվել, իսկ Ա. Ավետիսյանի առողջական վիճակը գնա­հատվել է ծանր: Այս մասին հայտնում է արտակարգ իրավիճակների նախարարությունը: