![](/static/articles/27/86/l-s4MwUTS5ZS.jpg)
«Չորրորդ ինքնիշխանություն». ՀՅԴ-ն կեցվածքներ է ցույց տալու
«Բնական վիճակից դուրս գալու պատճառ չունենք, բայց մտահոգվելու պատճառ իսկապես ունենք, և կարծում եմ, որ մեզ հետ մեր ժողովուրդը պետք է կարողանա կեցվածքներ ցույց տալ»,- անդրադառնալով ղարաբաղյան խնդրին` հայտարարել է ՀՅԴ Բյուրոյի ներկայացուցիչ Հրանտ Մարգարյանը:
«ՉԻ» - Հրանտ Մարգարյանի անկեղծությունը տվյալ դեպքում գնահատելի է, որովհետև Դաշնակցությունն իսկապես էլ «բնական վիճակում» է: Այսինքն` զբաղված է սովորական գործով. ձևացնում է, թե ընդդիմություն է ու «տակից» իր գործն առաջ է տանում:
Այդ գործում, բնականաբար, կարևորը «կեցվածք ընդունելն» է, և պատահական չէ, որ պրն Մարգարյանը կոչ է անում իրենց հետ միասին «կեցվածներ ցույց տալ»:
Միայն մի հարց. ինչպե՞ս է պատահում, որ ՀՅԴ-ն չի հավատում, որ իշխանությունները նորմալ ընտրություններ կկազմակերպեն, բայց արտահերթ ընտրություններ էլ չի պահանջում: Թե՞ մտածում է` ինչքան Սերժ Սարգսյանը թաղվի ղարաբաղյան բանակցություններում, և ինչքան ուշ տեղի ունենան ընտրությունները, այնքան «կեցվածքներ ցույց տալու» հնարավորությունները կմեծանան:
Մեկնաբանել