Այսօր` ժամը 00.50-ին, ոստիկանության ծառայողները Հանրապետության հրապարակից, խարդախություն կատարելու կասկածանքով, բերման են ենթարկել 1988 թ. ծնված Սամվել Փ.-ին:

Պարզվել է, որ նա, «Օդնոկլասնիկի» սոցիալական ցանցում ներկայանալով Հայկ անունով, ծանոթացել է 1987 թ. ծնված Անի Ա.-ի հետ և հուլիսի 7-ին Նորքի 2-րդ զանգվածի շատրվանների մոտ հանդիպելով նրան և վստահությունը չարաշահելով` խաբեությամբ վերցրել է բջջային հեռախոսը, պայուսակը, որի մեջ եղել է դրամապանակ` գումարով, շպարման պարագաներ, և դիմել է փախուստի` պատճառելով 100.000 դրամի նյութական վնաս:

Ոստիկանությունը հայտնում է, որ կատարվում է հետաքննություն: