Երևանի քաղաքապետարանի 2013 թվականի ծրագրով մայթերի վերանորոգման աշխատանքներ են  նախատեսվել մայրաքաղաքի Աբովյան, Արամի, Իսահակյան, Ալեք Մանուկյան, Չարենցի, Տերյան, Ամիրյան, Կորյունի, Սարյան, Խորենացու, Թումանյան փողոցներում, Մաշտոցի եւ Սայաթ-Նովայի պողոտայում և Դավթաշենի այգում:

12550 քմ մակերեսով մայթեր արդեն իսկ վերանորագվել են, տեղադրվել են բետոնե նոր սալիկներ, որոշ հատվածներում վերատեղադրվել ու ամրացվել են նախկին սալիկները: Ամբողջությամբ փոխվել են նաև Շառլ Ազնավուրի անվան հրապարակի սալիկները`2650 քմ մակերեսով:

«Տեղադրման համար օգտագործվում են 6.0 սմ հաստությամբ բետոնե սալիկներ, որոնց որակը պարտադիր պետք է բավարարի  մրցույթով սահմանված տեխնիկական պահանջները: Մայթերի ու հրապարակների սալիկապատման աշխատանքները նախատեսվում է ավարտել  2013 թվականի 3-րդ եռամսյակում»,- հայնտում է Երևանի քաղաքապետարանը: