Այսօր «Արմենիա Մարիոթ» հյուրանոցի «Տիգրան Մեծ»  սրահում տեղի կունենա Հայաստանում առաջին «Երևան հոմ քեյր»-ը (Yerevan Home Care) առողջապահական, վերականգնողական և հոգեբանական խնամք տրամադրող մասնագիտացված կենտրոնի շնորհանդեսը։ Կենտրոնը գործունեություն է ծավալում Երևանի տարածքում։ Կազմակերպությունը կոչված է ծառայելու բժշկական խնամքի կարիք ունեցող անձանց` տնային պայմաններում:

«Երևան հոմ քեյր»-ը կարեկից և հոգատար խնամք է տրամադրում տարեցներին, հաշմանդամներին, քրոնիկական հիվանդությամբ տառապող և հատուկ հետվիրահատական խնամքի կարիք ունեցող անձանց։ Կազմակերպության նպատակն է պահպանել նրանց կյանքի որակը և անկախությունը՝ միաժամանակ օգնելով ընտանիքի մյուս անդամներին ազատ տնօրինել իրենց ժամանակը տանը, աշխատավայրում կամ ուսումնական հաստատությունում։

«Երևան հոմ քեյր»-ն առաջարկում է մի շարք ծառայություններ,  այդ թվում՝ մասնագիտացված խնամքի, ընկերակցի և տնային օգնականի ծառայություններ, թուլամտությամբ տառապող հիվանդների մասնագիտացված խնամք, կարճատև վերականգնողական խնամք, խնամքի համար անհրաժեշտ սարքերի վարձույթ։

«Երևան հոմ քեյր»-ը հաճախորդներին ապահովում է կիրթ, պրոֆեսիոնալ, փորձված մասնագետներով, ովքեր անհատական մոտեցում են ցուցաբերում խնամքի կարիք ունեցող անձանց` միևնույն ժամանակ պահպանելով խնամքի ընդունված նորմերն ու կիրառելով ժամանակակից մոտեցումները: Մասնագիտական գիտելիքներից բացի,  կազմակերպությունը չափազանց մեծ ուշադրություն է դարձնում նաև սպասարկող անձնակազմի մարդասիրական որակներին` բարությանը, հոգատարությանը, համբերատարությանը, ուշադրությանը և հարգալից վերաբերմունքին:

«Երևան հոմ քեյր»