Այսօր լրացել է գրող, հրապարակախոս Պերճ Զեյթունցյանի ծննդյան 75-ամյակը: Այդ առիթով նախագահ Սերժ Սարգսյանն այսօր հեռախոսազրույց է ունեցել գրողի հետ և շնորհավորել նրան ծննդյան 75-ամյակի առթիվ:

Ինչպես նշված է Նախագահի աշխատակազմի հասարակայնության եւ տեղեկատվության միջոցների հետ կապերի վարչության տարածած հաղորդագրության մեջ, Սերժ Սարգսյանը բարձր է գնահատել անվանի մտավորականի վաստակը հայ նորագույն արձակի, դրամատուրգիայի և հրապարակախոսության զարգացման ու հարստացման գործում:

Նախագահը նշել է, որ հայ գրականության և թատրոնի մի ողջ դարաշրջան կապված է Պերճ Զեյթունցյանի սերնդի հետ, որի ամենաինքնատիպ ներկայացուցիչներից է նա: Հանրապետության Նախագահը մաղթել է հոբելյարին ամուր առողջություն և ստեղծագործական նոր հաջողություններ:

Լուսանկարը՝ erit.am-ի