Այսօր կայացավ ՀՀ սփյուռքի նախարարության «Արի տուն» ծրագրի 3-րդ փուլի բացման արարողությունը: Ծրագրի 3-րդ փուլին մասնակցում է 93 պատանի 16 երկրից` Հորդանան, Իրաք, Սիրիա, Վրաստան, Ռուսաստան, Ուկրաինա, Բելառուս, Թուրքիա, Տաջիկստան, Շվեդիա, Ֆրանսիա, Բելգիա, Կիպրոս, Սլովակիա, Իսպանիա և Չեխիա:

Միջոցառմանը ներկա էին ՀՀ սփյուռքի նախարար Հրանուշ Հակոբյանը, պետական և տեղական ինքնակառավարման մարմինների, ՀԿ-ների ներկայացուցիչներ, ինչպես նաև հյուրընկալ ընտանիքներ և ծրագրի մասնակից պատանիներ և աղջիկներ:

Սփյուռքի նախարարության տեղեկատվության և հեռահաղորդակցության վարչության հաղորդմամբ` Հրանուշ Հակոբյանը նշեց, որ հայրենիքում անցկացրած օրերը կարևոր նշանակություն ունեն ազգային արժեքներին, ավանդույթներին հաղորդակից լինելու, հայրենակիցների հետ շփվելու և կապեր հաստատելու առումով: