«Առավոտի» խնդրանքով անդրադառնալով այն մտահոգություններին, թե իշխանություն-ՀԱԿ երկխոսությունը կվերաճի ԱԺ տեղերի համար պայմանավորվածության, որից կտուժեն այդ շրջանակից դուրս գտնվող ուժերը` ԱՄՆ-ում գործող «Policy Forum Armenia» կազմակերպության համահիմնադիր Դավիթ Գրիգորյանն ասել է. «Չեմ կասկածում, որ այդպես էլ լինելու է: Չի պակասել իշխանության` ընտրություններ կեղծելու եւ դրանից հետո ուժ կիրառելու ախորժակը: Բայց նման անթափանց գործընթացից, հատկապես եթե հաշվի առնենք, թե ովքեր են ներգրավված այս գործընթացում, առաջին հերթին տուժելու է ողջ հայ ժողովուրդը: Այս առումով լուրջ մտավախություններ կան, քանի որ ոչ իշխանությունը, ոչ էլ ՀԱԿ-ը չունեն այն ներուժը, որ կարողանան լուծել 21-րդ դարում Հայաստանի եւ մեր ազգի առջեւ ծառացած խնդիրները»: