ՀՀ ոստիկանության կայքէջի «Օրենսդրություն» խորագրի «Հանրային քննարկումներ» և «Նախագծեր» ենթաբաժիններում զետեղվել էր «Վարչական իրավախախտումների վերաբերյալ Հայաստանի Հանրապետության օրենսգրքում լրացումներ կատարելու մասին» ՀՀ օրենքի նախագիծը:

Օրենքի նախագծով նախատեսված էր ոչ ավանդական սեռական հարաբերությունների վերաբերյալ քարոզչությունը պատժել տուգանքով` սահմանված նվազագույն աշխատավարձի 50-ապատիկից մինչև 100-ապատիկի չափով, պաշտոնատար անձանց նկատմամբ` 100-պատիկից մինչև 150-ապատիկի չափով և իրավաբանական անձի պաշտոնատար անձանց նկատմամբ` 200-ապատիկից մինչև 250-ապատիկի չափով:

Օրենքի նախագիծը մշակվել է ՀՀ ոստիկանության իրավաբանական վարչության կողմից` հիմք ընդունելով մի քանի տասնյակ մտավորականների դիմում-բողոքները:

Ոստիկանության պետ Վլադիմիր Գասպարյանը, նկատի ունենալով օրինագծի` քննարկումների ընթացքում ի հայտ եկած թերություններն ու բացթողումները, ինչպես և նշելով, որ այդ խնդիրն այսօր ոստիկանության առաջնահերթություններից չէ, օրինագիծը հետ է ուղարկել: