Երեկ` ժամը 12.30-ին, ոստիկանության Չարենցավանի բաժնի ծառայողները, գողություն կատարելու կասկածանքով,  բաժին են հրավիրել 1995 թ. ծնված  Էդմոնդ Ա.-ին և 1994 թ. ծնված Հովհաննես Ե.-ին:

Նրանք խոստովանել են, որ ս.թ. մարտի սկզբներին Չարենցավան քաղաքի խանութներից մեկի մուտքի դուռը կացինով բացելով` գողացել են կանխիկ գումար և ծխախոտ՝ պատճառելով 120.000 դրամի նյութական վնաս:

Պարզվել է նաև, որ նրանք 2010  թ. սեպտեմբերի սկզբներին և ս.թ. փետրվարի վերջերին, պատուհանից մուտք գործելով` մեկ այլ խանութից գողացել են կանխիկ գումար:

Ձեռնարկված միջոցառումների շնորհիվ պարզվել է, որ Էդմոնդ Ա.-ն և Հովհաննես Ե.-ն ս.թ. հունվար և ապրիլ ամսներին համանման եղանակով գողություններ են կատարել  Չարենցավան քաղաքի ևս երկու խանութից:

Կատարվում է հետաքննություն: