Սույնով հայտնում ենք, որ «Թեղուտ» փակ բաժնետիրական ընկերությունը (այսուհետ՝ Ընկերություն) Թեղուտի լեռնա­հարս­տա­ցու­ցիչ կոմբինատի շինարարության և պղինձ-մոլիբդենա­յին հանքավայրի շա­հա­գործ­ման ծրագրի շահառուների ներգ­րավ­ման պլանի շրջանակներում կազ­մակերպում է հան­դի­պում ՀՀ Լոռու մարզի Թեղուտ, Շնող և այլ համայնքների (որոնց ներ­կայա­ցուցիչները կարող են Ընկերությունը դիտար­կել որպես իրենց հնարավոր գործատու) մշտա­կան և ժամանակավոր ազ­գա­բնակ­չու­թյան, գյուղապետարանների և քաղա­քա­պե­տա­րան­նե­րի, Լոռու մարզ­պե­տա­րանի ներ­կա­յա­ցուցիչների, Ընկերության աշխատողների, Ընկերության գործունեության տարածքում հայտնված անշարժ գույքի միավորների նախկին սեփա­կա­նա­տե­րե­րի, hայաս­տան­յան և մի­ջազ­գա­յին բնա­պահ­պա­նական հասարակական կազ­մա­կեր­պու­թյուն­նե­րի, բնապահ­պա­նու­­թյան ոլոր­տի գի­տա­հե­տա­զո­տա­կան հաստա­տու­թյուն­նե­րի ներկայա­ցուցիչ­նե­րի, բնապահպանության մասնա­գետ­ների, հա­սա­­րակական ակտի­վիստ­ների, ԶԼՄ ներկա­յա­ցու­ցիչների, պատ­մու­թյան և մշա­կույ­թի հուշարձանների ուսում­նասիրության և պահպա­նու­թյան ոլոր­­տում գոր­ծու­նեու­թյուն ծա­վա­լող անձանց և կազմա­կեր­­պու­թյունների ներկայացուցիչների, Հայ առաքելական եկեղեցու ներ­­­կա­յա­ցու­ցիչ­նե­րի հետ:

Հանդիպումը տեղի կունենա 2013 թ. օգոստոսի 29–ին, ժամը 15:00–ին ՀՀ Լոռու մար­­զի Շնող գյու­ղի մշակույթի տան դահլիճում: Հանդիպման օրակարգում հետևյալ հարցերն են՝

1. Ընկերության քաղաքականությունը շրջակա միջավայրի, մարդկանց առող­ջու­թյան պահ­պանության և աշխատանքի անվտանգության ապահովման ոլորտներում:
2. Աշխատողների ներգրավման սկզբունքները և կադրային քաղաքականությունն ազ­դա­կիր համայնքների համար առավել նպաստավոր դարձնելու ուղիները:
3. Ընկերության գործունեության և հարակից վայրերում հայտնաբերված պատ­մա­մ­շա­կու­թա­յին արժեքների պահպանության ուղղությամբ իրականացվող մի­ջո­ցա­ռում­նե­րը:
4. Այլ հարցեր:

Ընկերության՝ ք. Երևան, Խանջյան 19 հասցեով և Լոռու մարզի Թեղուտ գյուղում գտնվող գրասենյակներում, Լոռու մարզի Ալավերդի քաղաքի քաղաքապետարանում, Թեղուտ և Շնող գյուղերի գյուղապետարաններում բացվել են գրանցամատյաններ, որոնք բացված կմնան մինչև 2013թ. սեպտեմբերի 15-ը: Գրանցամատյաններում շահառուները կարող են գրառել մեկնաբանություններ, առաջարկություններ, նկատառումներ և այլ հաղորդագրություններ՝ հանդիպման օրակարգում ներառված հարցերի վերաբերյալ: Գրանցամատյանի ձևաթուղթը տեղակայված է Ընկերության պաշտոնական կայքում՝ հետևյալ հղումով (հղումը): Օրակարգում ներառված հարցերի վերաբերյալ հաղորդագրությունները շահառուները ուղարկել նաև էլ. փոստով՝ [email protected] հասցեով:

Ընկերությունն ակնկալում է շահառուների ակտիվ և կառուցողական մասնակցություն:

«Վալլեքս» խմբի ընկերությունների տեղեկատվության և հասարակայնության հետ կապերի բաժին