Գազի գինը չի փոխվում, չի փոխվելու և մինչև 2012 թվականի ապրիլի 1-ը որևիցե փոփոխության չի ենթարկվելու: Այսօր լրագրողների հետ հանդիպմանը հայտարարեց ՀՀ էներգետիկայի և բնական պաշարների նախարար Արմեն Մովսիսյանը:

Հիշեցնենք, որ այսօր մամուլում տեղ են գտել տեղեկություններ, համաձայն որոնց` Ռուսաստանը թանկացրել է Հայաստանին մատակարարվող գազի գինը. հազար խորանարդ մետր գազը այժմ Ռուսաստանը Հայաստանին է վաճառում 210 դոլարով` նախկին 180 դոլարի փոխարեն: 

Ինչ վերաբերում է այն տեղեկություններին, ըստ որոնց,  30 դոլար թանկացումը «Հայռուսգազարդը» իր մարժայի հաշվին է փակելու, նախարարի խոսքով, «դա ուղղակի հնարավոր չէ, որովհետև  նրա մարժան ընդամենը մոտ 40 դոլարի սահմաններում է»:

«Գազի գինը Հայաստանի Հանրապետության համար մինչև ապրիլի 1-ը չի փոխվելու»,- կրկին վստահեցրեց Արմեն Մովսիսյանը: