Հատուկ քննչական ծառայության վարույթում քննվող քրեական գործի նախաքննությամբ պարզվել է, որ ՊԵԿ օպերատիվ հետախուզության վարչության նախկին աշխատակից Արտակ Ղուկասյանը տարբեր անձանց անվամբ հիմնադրած, սակայն փաստացի իր կողմից կառավարվող գրավատներում և տարադրամի փոխանակման կետերում համատեղ ձեռնարկատիրական գործունեություն իրականացնելու` ներդրումներ կատարելու և ստացված եկամուտներից մասնաբաժին տալու պատրվակով, չարաշահելով բազմաթիվ քաղաքացիների վստահությունը, 2010-2012թթ. ժամանակահատվածում նրանցից ստացել է առանձնապես խոշոր չափերի հասնող գումարներ և խաբեությամբ հափշտակել է: 

Արտակ Ղուկասյանին մեղադրանք է առաջադրվել «Առանձնապես խոշոր չափերով խարդախություն» կատարելու հոդվածի հատկանիշներով, և նրա նկատմամ որպես խափանման միջոց կիրառվել է կալանավորումը:

«Նրանք, ովքեր տուժել են Արտակ Ղուկասյանի գործողություններից, կարող են դիմել Հատուկ քննչական ծառայություն (Հեռ.` 010 511 601, 010 511 609): Նախաքննությունը շարունակվում է»,- նշված է ՀՔԾ-ի տարածած հաղորդագրությունում: