Սեպտեմբերի 1-ին` ժամը 16.20-ին, ահազանգ է ստացվել, որ Երևանի Բաշինջաղյան փողոցում՝ «Մետեո TV»-ի մոտակայքում, այրվում է անձեռոցիկի արտադրամաս:

Դեպքի վայր է մեկնել չորս մարտական հաշվարկ, ՃԿԿ ԱԻ արձագանքման խումբը, կապի լուսավորման ավտոմեքենա, հրշեջ-փրկարարական ջոկատից «Շևրոլե» մակնիշի ավտոմեքենա: 

ՀՀ ԱԻՆ-ն հայտնում է, որ պարզվել է, որ հրդեհը բռնկվել է Երևան քաղաքի Բաշինջաղյան փողոցի թիվ 142/2 հասցեում գտնվող Ա. Ս. ԱՁ-ին պատկանող թղթի մշակման արտադրամասում:

Հրդեհը մեկուսացվել ՝ ժամը 18.09-ին, մարվել՝ 18.39-ին: 

Այրվել են շինության տանիքի փայտյա կառուցատարրերը՝ 35 քմ, 100 խմ թղթի թափոններ և ներսում գտնվող «Ֆորդ Տրանզիտ» մակնիշի 35 VO 695 պ/հ ավտոմեքենայի շարժիչի հատվածը: