Տեսանյութեր
Լուսանկարներ
«Անելիք Բանկ» ՓԲԸ վարչության նախագահ Սամվել Ճզմաչյանն ազատվել է աշխատանքից
«Անելիք Բանկ» ՓԲԸ-ի կայքէջը տեղեկացնում է, որ բանկի խորհուրդը ընդունել է բանկի վարչության նախագահ Սամվել Ճզմաչյանի դիմումն աշխատանքից ազատվելու վերաբերյալ: Սամվել Ճզմաչյանը ընտրվել է Հայաստանի բանկերի միության նախագահ:
«Սույն թվականի մայիս ամսից ստանձնելով Հայաստանի բանկերի միության նախագահի (ՀԲՄ) պաշտոնը` ես երկտեղում էի «Անելիք Բանկ» ՓԲԸ վարչության նախագահի և ՀԲՄ նախագահի պաշտոնները: Հայաստանի բանկերի միության խորհրդի նիստում որոշում էր կայացվել մեծացնել Բանկերի միության դերը և նշանակությունը: Նման պարագայում 2 պաշտոնները զուգահեռ ղեկավարելը բավական դժվար և, ինչու չէ, անհնարին է: Հաշվի առնելով վերը նշվածը` ես որոշում կայացրեցի մնալ միայն Հայաստանի բանկերի միության նախագահ»,- նշել է ՀԲՄ նախագահ Սամվել Ճզմաչյանը:
«Անելիք Բանկ» ՓԲԸ-ի խորհրդի նիստում բանկի վարչության նախագահի ժամանակավոր պաշտոնակատար է նշանակվել բանկի վարչության նախագահի տեղակալ Բաբիկ Նաջարյանը:
Մեկնաբանել