![](/static/articles/02/92/93/l-EuLP57wbuI.jpg)
Տեխնոլոգիական ձեռներեցության լավագույն նախագծերն արդեն հայտնի են
Կայացել է DigiCamp ամառային տեխնոլոգիական ձեռներեցության ճամբարը
Սեպտեմբերի 13-ին` ժամը 12:00-ին, «ԱրմենՏել» ընկերության գրասենյակում կամփոփվեն DigiCamp ամառային տեխնոլոգիական ձեռներեցության ճամբարի արդյունքները: Կներկայացվեն լավագույն նախագծերը և տեղի կունենա մրցանակաբաշխություն:
Մասնակիցների համար կկազմակերպվի նաև այցելություն «ԱրմենՏել» ՓԲԸ Կապի թանգարան և ճամբարի երիտասարդ մասնակիցները կծանոթանան հեռահաղորդակցության տեխնոլոգիաների զարգացման պատմությանը, հայ կապավորների կյանքի ուշագրավ էջերին:
Հիշեցնենք, որ DigiCamp ճամբարը, որի գլխավոր գործընկերն է «ԱրմենՏել» ընկերությունը (ապրանքանիշը Beeline), կայացել է օգոստոսի 1-10-ը, Ծաղկաձորում: Միջոցառման նպատակն էր համախմբել ինովացիաներով հետաքրքրվող երիտասարդներին, ստեղծել մոտիվացնող և կրթական միջավայր, ուղղորդել նրանց դեպի սեփական ծրագրերի իրականացումը և սեփական բիզնեսի ստեղծումը:
Ճամբարի կազմակերպիչն էր` Ինֆորմացիոն տեխնոլոգիաների ձեռնարկությունների միությունը, աջակիցը` Հայաստանի երիտասարդական հիմնադրամը: Այս մասին հայտնում է ԻՏՁՄ-ն:
Մեկնաբանել