ՀՀ առողջապահության նախարար Դերենիկ Դումանյանն այսօր Ստեփանակերտում մասնակցել է ԼՂՀ Հանրապետական բժշկական կենտրոնի նորակառույց համալիրի բացմանը: Այս մասին հայտնում է նախարության մամուլի ծառայությունը: 

Ռուսաստանաբնակ գործարար, «Տաշիր Գրուպ» ձեռնարկության սեփականատեր Սամվել Կարապետյանի ֆինանսական աջակցությամբ կառուցված համալիրում գործելու են հետևյալ բաժանմունքները`վիրաբուժական (ընդհանուր վիրաբուժական, ՔԿԱ, ուրոլոգիական, ակնաբուժական ենթաբաժանմունքներով), վնասվածքաբանական և միկրովիրաբուժական, ընդհանուր թերապևտիկ (թերապևտիկ, սրտաբանական, նյարդաբանական ենթաբաժանմունքներով),վերակենդանացման և ինտենսիվ թերապիայի, ինչպես նաև հեմոդիալիզի` նշված է հաղորդագրության մեջ: