Վրաստանի հայկական դպրոցներն ամեն տարի հայոց լեզվի և գրականության դասագրքերն ստանում են Հայաստանի Հանրապետության ԿԳ նախարարությունից: 

Պարզելու համար, թե ինչո՞ւ մինչ օրս դպրոցները մայրենի լեզվի և գրականության դասագրքերը չեն ստացել «Հարավային Դարպասը» կապվել է ՀՀ ԿԳՆ-ի հետ: 

«Գիտեք, ինչքան բարդ գործ է Վրաստան գիրք ուղարկելը, սովորաբար դասագրքերի առաքումը բավականին մեծ աշխատանք է պահանջում: Նախ պետք է գրքերը ձեռք բերվեն, որպեսզի նոր սկսենք բանակցությունները Վրաստանի ԿԳ նախարարության հետ: Պաշտոնական նամակ ենք ուղարկում և թույլտվությունից հետո անմիջապես կազմակերպում ենք գրքերի առաքումը Ջավախք: Համաձայնվեցվում է երկու պետությունների ԿԳ նախարարությունների միջև, որպեսզի մեկ շաբաթ սահմանը բաց լինի, որպեսզի կարողանանք անարգել դասագրքերը անցկացնել: Արդեն 10 օր է` նամակը առաքված է Վրաստան և սպասում ենք պատասխանի»,- «ՀԴ»-ի հետ հեռախոսազրույցում նշել է ՀՀ ԿԳ նախարարության աշխատակազմի արտաքին կապերի վարչության Սփյուռքի բաժնի պետ Նունե Վարդանյանը:

Աղունիկ Այվազյան