Երևանի քաղաքապետի առաջին տեղակալ Կամո Արեյանը հանդիպել է Երևանում գտնվող Լենինգրադի մարզի Առևտրաարդյունաբերական պալատի նախագահի գլխավորած պատվիրակության հետ: Այս մասին հայտնում է քաղաքապետարանի տեղեկատվության և հասրակայնության հետ կապերի վարչությունը: Հանդիպմանը ներկա է եղել նաև ՀՀ Առևտրաարդյունաբերական պալատի նախագահ Մարտին Սարգսյանը: 
<<Երևանի և Սանկտ Պետերբուրգի միջև ձևավորված փոխշահավետ համագործակցությունն իսկապես հաջողված է,  երկու կողմերի ներուժն՝ ակնհայտ: Երևանի քաղաքապետը ևս կարևորում է  Երևանի և Սանկտ Պետերբուրգի, ինչպես նաև այլ քաղաքների միջև փոխգործակցության ընդլայնումն ու փոխշահավետ ներդրումային ծրագրերի իրականացումը>>,-  հանդիպման ժամանակ նշել է Կամո Արեյանը` վստահեցնելով, որ քաղաքապետարանը բաց և պատրաստակամ է իր լիազորությունների շրջանակում աջակցելու գործարար շրջանակներին՝ Երևանում ներդրումային ծրագրեր իրականացնելու և փոխգործակցություն ծավալելու հարցում: