ՀՀ գլխավոր դատախազ Գևորգ Կոստանյանն այսօր նոր հրամաններ է ստորագրել: Այս մասին տեղեկացնում է դատախազության պաշտոնական կայքէջը: Այսպես` Երևան քաղաքի Արաբկիր և Քանաքեռ-Զեյթուն վարչական շրջանների դատախազ է նշանակվել արդարադատության երկրորդ դասի խորհրդական Սասուն Խաչատրյանը` ազատվելով Երևան քաղաքի դատախազի տեղակալի պաշտոնից:

Մեկ այլ հրամանով` ՀՀ դատախազության կոռուպցիոն և կազմակերպված հանցագործությունների գործերով վարչության պետ, արդարադատության երրորդ դասի պետական խորհրդական Գագիկ Խաչիկյանն ազատվել է աշխատանքից` սեփական դիմումների համաձայն: