Այս կիրակի «Օգնենք հայ մանուկներին»  բարեգործական հասարակական կազմակերպությունը և  Sarko Meene-ը / Արմինե Սարկավագյանը/ միասին`  “The  Green Bean”  սրճարանում, հոկտեմբերի 27-ին անցկացնում են Լուռաճուրդ  /բարեգործական ցուցահանդես-վաճառք/:    

Լինելով  “The  Green Bean”  սրճարանում, հնարավոր չէ չնկատել իրական արվեստի շունչը  սրճարանում: Sarko Meene-ի հրաշալի ստեղծագործություններն են զարդարում  սրճարանի պատերը:

«Ես նկարում եմ կյանքը ոչ այնպիսին, ինչպիսին այն կա, այլ այնպիսին, ինչպիսին ես այն ցանկանում եմ, որ լինի բոլորի համար՝ գեղեցիկ»,-ասում է  Sarko Meene-ը:       

«Օգնենք հայ մանուկներին» բարեգործական ՀԿ-ն հայտնում է, որ Լուռաճուրդն անցկացվում է այն երեխաների համար, որոնց ամեն օրը պայքար է. պայքար  ծանր հիվանդությունների դեմ, պայքար ապրելու և  կյանքը ճանաչելու  համար:

Այս կիրակի, բոլոր նրանք, ովքեր  կգնեն նրա նկարներից, ներդրում կանեն փոքրիկների առողջության համար և նայելով այդ նկարներին միշտ կհիշեն, որ այսուհետ ևս մի փոքրիկ առողջ կապրի և, որ հենց իրենք են կյանքի նոր, վառ  գույները տեսնելու հնարավորություն տվել նրան: 

Եվ այսպես,

-ինչո՞ւ լուռաճուրդ –քանզի  լռությամբ են կատարվում բոլոր բարի գործերը,

-ե՞րբ –այս կիրակի՝ հոկտեմբերի 27-ին,

-որտե՞ղ- “The Green Bean”  սրճարան (Ամիրյան 10)

-տևողությունը–ամբողջ օրը

-ինչի՞ համար–հավաքված ողջ գումարը կտրամադրվի տարբեր ծանր

հիվանդությունների դեմ պայքարող 5 բալիկների օգնելու համար: 

Նկարները կարող եք գտնել միջոցառման էջում: 

Ավելի մանրամասն տեղեկատվություն ստանալու համար բացեք հղումը: