«Օգնիր Քեզ» հասարակական նախաձեռնության առաջին հավաքը կկայանա վաղը: Այն ստեղծվել է որպես արձագանք սոցիալական ցանցերում շուրջ 10 օր առաջ բարձրացած դժգոհության ալիքի վրա, որտեղ շատերն իրար կամ արտիստներին էին մեղադրում բարեգործություն չանելու համար: 

«Օգնիր Քեզ» հասարակական նախաձեռնության խումբը կոչերի ու դժգոհության փոխարեն առաջարկում է գործել և համախմբվելով աջակցել նրանց, ովքեր դրա կարիքն իսկապես ունեն:

Հանդիպման ընթացքում կներկայացվեն առաջին մի քանի ընտանիքը/խնդիրը և կպատմվի նախաձեռնության մասին, որին կարող են միանալ բոլոր քաղաքացիները:

Նպատակը մեկն է` օգտակար լինել մարդկանց, որոնք ունեն դրա կարիքը, սակայն չունեն պետությունից կամ այլ հաստատություններից օգնություն ստանալու հնարավորություն:

Հանդիպումը տեղի կունենա Խնկո Ապոր անվան գրադարանի դահլիճում, ապրիլի 16-ին, ժամը 14:00

«Օգնիր Քեզ» հասարակական նախաձեռնության հիմնադիր խումբ