Նոյեմբերի 14-ին` ժամը 14.45-ին,  հիվանդանոցից  ոստիկանության Արմավիրի բաժնում հաղորդում է ստացվել, որ իրենց մոտ է տեղափոխվել տղամարդու դիակ: Այս մասին հայտնում է ոստիկանությունը: Դեպքի վայր մեկնած օպերատիվ խումբը պարզել է, որ նույն օրը` ժամը 14.30-ի սահմաններում, Սարդարապատ գյուղի 16-րդ փողոցի թիվ 6 տան դիմաց, «ՎԱԶ-2107»  մակնիշի ավտոմեքենայի միջից անհայտ անձը չպարզված հրազենից կրակոց է արձակել 1972 թ. ծնված Արմեն Եփրեմյանի վրա և դիմել փախուստի: Ա. Եփրեմյանը հիվանդանոց տեղափոխելու ճանապարհին մահացել է:

Կատարվել են դեպքի վայրի զննություն և այլ  օպերատիվ-հետախուզական, քննչական միջոցառումներ: Հանցագործություն կատարելու մեջ կասկածվող անձը կարճ ժամանակում հայտնաբերվել և  ձերբակալվել է: Ոստիկանության Արմավիրի մարզային քննչական բաժնում հարուցվել է քրեական գործ ՀՀ քրեական օրենսգրքի 104 հոդվածի 1-ին մասի և 235 հոդվածի 1-ին մասի հատկանիշներով: Կատարվում է նախաքննություն: