«Նաիրիտ» գործարանի աշխատակիցները հավաքվել են Էներգետիկայի եւ բնական պաշարների նախարարության շենքի մոտ եւ պահանջում են վճարել իրենց նախորդ տարվա գոնե մեկ ամսվա աշխատավարձը:

Աշխատակիցներն ուզում են հանդիպել նախարար Արմեն Մովսիսյանի հետ: Եթե նախարարը նրանց չընդունի, ապա պատրաստվում են գալ կառավարության շենքի մոտ, որտեղ այսօր տեղի է ունենալու կառավարության հերթական նիստը: Հիշեցնենք, որ երեկ «Նաիրիտի» տնօրիությունը աշխատակիցներին խոստացել էր վճարել աշխատավարձը, սակայն չի կատարել խոստումը: