Տեսանյութեր
Լուսանկարներ
ԱԳ փոխնախարարը հանդիպել է ԱՄՆ պետքարտուղարի տեղակալին
Տնտեսական հարցերով հայ-ամերիկյան միջկառավարական աշխատանքային խմբի նիստի շրջանակներում Վաշինգտոնում գտնվող ՀՀ ԱԳ նախարարի տեղակալ, հայ-ամերիկյան միջկառավարական հանձնաժողովի փոխնախագահ Աշոտ Հովակիմյանը նոյեմբերի 21-ին հանդիպում ունեցավ ԱՄՆ պետքարտուղարի Եվրոպայի եւ Եվրասիայի հարցերով տեղակալ Վիկտորիա Նյուլանդի հետ: Այս մասին տեղեկացնում է ՀՀ արտաքին գործերի նախարարությունը:
«Հանդիպման ընթացքում քննարկվեցին հայ-ամերիկյան բարեկամական գործընկերության զարգացմանը վերաբերող մի շարք հարցեր։ ԱՄՆ պետքարտուղարի տեղակալն իր հայ պաշտոնակցին վստահեցրեց, որ Միացյալ Նահանգները շարունակելու են աջակցություն ցուցաբերել Հայաստանում իրականացվող բարեփոխումներին եւ երկրի տնտեսական զարգացմանը»,- նշված է հաղորդագրության մեջ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել