ՀՀ տարածքային կառավարման նախարարությունը տեղեկացնում է, որ այսօր Լոռու մարզպետ Արթուր Նալբանդյանն անցկացրել է հերթական աշխատանքային խորհրդակցությունը, որի ընթացքում անդրադարձ է եղել նաև նոյեմբերի 24-ին Լոռու մարզի Գուգարք գյուղում տեղի ունեցած արտակարգ պատահարին: Նշված օրը հրդեհ էր բռնկվել Գուգարք գյուղում գտնվող փայտյա երկհարկանի կացարանների տարածքում: Աբողջությամբ այրվել էր երկհարկանի փայտյա բնակելի շինությունը՝ վեց ժամանակավոր կացարանով: Դեպքի վայր էր մեկնել հրշեջ փրկարարական ծառայության չորս մարտական հաշվարկ և մեկ ջրատար: Բնակիչները ժամանակին տարհանվել են: Զոհեր և տուժածներ չկան, սակայն անօթևան է մնացել 22 բնակիչ

Այսօրվա աշխատանքային քննարկման ժամանակ Ա. Նալբանդյանը  նշել, որ արդեն զրուցել է Գուգարքի համայնքապետի, պատկան կառույցների պատասխանատուների հետ, ովքեր տեղեկացրել են, որ ներկայում ճշտվում են հրդեհի պատճառները և այլ հարկավոր մանրամասներ:

«Մարզպետը հայտնեց, որ այդ կացարաններում մշտական բնակության գրանցում ունեցած, հրդեհից տուժած ընտանիքները կապահովվեն ժամանակավոր վարձու կացարաններով. ձմռան ամիսներին մարզպետարանը կաջակցի նրանց՝ վճարելով բնակարանների վարձը»,- տեղեկացնում է նախարարությունը: 

Լուսանկարը` Էդվարդ Արզումանյանի, lorinews.am