Նոյեմբերի 27-ին ՀՀ ԱԳ նախարար Էդվարդ Նալբանդյանն ընդունեց Հայաստանում Ռումինիայի նորանշանակ դեսպան Սորին Վասիլեին՝ հավատարմագրերի պատճենի հանձնման կապակցությամբ:

Շնորհավորելով դեսպանին նշանակման առթիվ՝ նախարար Նալբանդյանն ասաց, որ արտաքին գործերի նախարարությունը կաջակցի հայ-ռումինական հարաբերությունների ամրապնդմանն ուղղված նրա ջանքերին։

Շնորհակալություն հայտնելով ընդունելության համար՝ դեսպան Վասիլեն վստահեցրեց, որ կանի առավելագույնը երկու երկրների համագործակցությունը ընդլայնելու համար:

Զրուցակիցները քննարկեցին երկկողմ օրակարգի տարբեր հարցեր։

Նախարար Նալբանդյանը ներկայացրեց Լեռնային Ղարաբաղի հիմնահարցի խաղաղ կարգավորման ուղղությամբ Հայաստանի և միաջազգային հանրության կողմից ձեռնարկվող քայլերը` ընդգծելով Մինսկի խմբի համանախագահների ջանքերի սատարման կարևորությունը:

Այս մասին հայտնում են ՀՀ ԱԳՆ-ից: